iPod Shuffle - MP3 плеер кој зборува

Новата генерација на Aplle iPod Shuffle е всушност најмалиот и најлесниот MP3 плеер на Apple кој тежи само 11 грама и има димензии од 45 x 18 x 8 милиметри. Со капацитет од 4 GB или околу 1.000 песни, дефинитивно станува збор за најмалиот, а сепак најмоќен MP3 плеер создаден до сега.

Најновата опција по која ќе биде препознатлив овој плеер е "VoiceOver", поточно, доколку слушате одредена песна и сакате да чуете кој ја пее или од која плејлиста ви е песната - со едно притискање на копчето вашиот плеер ќе ви го каже името на артистот и песната, нормално доколку така ги имате внесено. Оваа опцијата можете да ја слушате на 14 различни јазици, или пак да ја исклучите преку iTunes доколку ви е проблематична.

Цената на овој MP3 плеер е околу 3.000 денари, што и не е толку ниска, но сепак се работи за Apple продукт, кои се познати по својот квалитет.