Анџелина Џоли роди близнаци, момче и девојче

Холивудската актерка Анџелина Џоли задвчера роди близнаци, момче и девојче, во клиниката во Ница. Француските медиуми вчера објавија дека 33-годишната актерка се породила во клиниката „Санта Марија“ на фондацијата „Ланвал“, која се наоѓа на крајбрежниот булевар во Ница. Гинекологот на американската актерка потврди дека таа вечерта родила две бебиња. Тој рече дека мајката и двете деца се чуствуваат „неверојатно добро“.
Момчето, според гинекологот се вика Нокс - Леон и е родено со тежина од два килограми и 28 грама, додека девојчето - Вивиан - Маршлин било тешко два килограми и 27 грама.