John Digweed на Скопски Саем

Во четврток 23 Октомви на Скопски Саем ќе имаме прилика да уживаме во одличниот сет на John Digweed. Сетовите на Digweed се атмосферични и ритмични приказни кои не се опишуваат, туку мора да се доживеат. Цената на билетите во предпродажба во Југотон ќе биде, 13ти-18ти - 400ден. а на 20ти-23ти - 500ден.

John Digweed за време на своето децениско постоење на сцената, дефинитивно го има зацементирано своето место во историјата на dance музиката. Тој ја има направено првата DJ Mix компилација (Renaissance, заедно со Sasha), и е првиот Британски DJ кој што станал resident во еден од најпознатите клубови Twilo (во New York, заедно со Sasha). Дел од неговата продукција се и ремикси на траки од Danny Tenaglia, Underworld и New Order. Ја започнува својата кариера на 15 години, за да 2001 биде изгласан за број 1 DJ според DJ Magazine. Потоа го основа својот label Bedrock, кој претставува и промотивна организација, како и музички проект (заедно со Nick Muir). Bedrock, меѓу другите, ги има лансирано кариерите на Danny Howells (со Dick Trevor како Science Department), Jimmy Van M, Chris Fortier и Phil Thomson (Moonface). Да се има трака издадена за Bedrock значи да се има признаен продуценски квалитет и интегритет насекаде низ светот. Всушност, самиот Digweed е синоним за квалитет и интегритет.

Преку проектите од кој што е дел, до неговите светски признаени mix CD-a (Renaissance, Global Underground, Northern Exposure, Comunicate и Bedrock), тој константно го задржува високиот музички и продукциски квалитет. Како половина од дуото Bedrock, тој е заслужен за успехот на големите хитови Heaven Scent и For What You Dream Of (кој е дел од soundtrack-от за филмот "Trainspotting"), кои долго време се наоѓаа на TOP 40 листата. Bedrock исто така се дел од soundtrack-от за холивудскиот филм "Stark Raving Mad".

Неговото KISS100 радио шоу веќе втора година е едно од најуспешните шоуа за dance музика, кое се пренесува преку интернет насекаде низ светот. Секоја недела тој има DJ како гостин во емисијата, кого го промовира, што е уште еден доказ за неговата професионалност, приземност и непретенциозност.