Vibe Tribe на 11 Октомври во МКЦ

Vibe Tribe е Stas Marnyanski (22), кој почнува со продуцирање музика уште од 13 годишна возраст. 2004 се приклучува кон Utopia Records, каде што го созрева неговиот препознатлив иновативен, мелодичен hi-tech full-on звук. Следуваат албумите "Melodrama" (2004) и "Wise Cracks" (2006), како и голем број на турнеи насекаде низ светот. Покрај Utopia, траки на Vibe Tribe може да се слушнат на компилации од Neurobiotic Records, Shiva Space Technology, Turbo Trance Records, B.N.E Records, Crystal Matrix, Spun Records, Noga Records и многу други.

Ремиксот на Vibe Tribe на траката "Shakawkaw" од Infected Mushroom (IM) стана огромен хит кој беше вртен насекаде низ светот, а траката доживеа и свое издание на LP верзијата на "Converting Vegetarians" албумот на IM. Моментално Vibe Tribe го спрема својот трет албум, чија цел е да постави нови стандарди во перцепцијата и продукцијата на неговата музика, и чиј што дел дефинитивно ќе имаме шанса да го слушнеме на 11 Октомври во МКЦ.