Google исклучи многу услуги

Oд Google обично навикнавме на безмачното претставување на нови услуги, но овие денови Google го направи спротивното: исклучи неколку услуги и сервиси кои не биле перспективни. Сервисите кои се исклучени или е најавено нивно исклучување се Jaiku, Google Notebook, Dodgeball и Google Video.

Исклучувањето на Google Video и не е некое изненадување, со оглед на тоа дека Google го купи YouTube кој всушност ја нуди истата работа: размена на видео датотеки. Од денес Google Video повеќе нема да прима нови видео содржини, а архивата ќе остане активна уште некое време.

Google Notebook е мал додаток за веб пребарувачот Firefox кој ви овозможува пишување на потсетници поврзани за некоја страница, но очигледно е дека корисниците многу малку го користеле, па Google се одлучил да го исклучи.

Dodgeball е сервис за инстант допишување сличен на Twitter, а неговото официјлно исклучување било само прашање на време, со оглед дека веќе подолго време се знае дека од него нема да биде ништо. Делумно тоа е поради тоа што Google го купи Jaiku, клонот на Twitter кој исто така овозможува изработка на многу едноставен микроблог на кој новите членови се ограничени на 140 карактери, а можете да ги праќате и по пат на СМС порака. Но уште почудно е тоа што е објавено дека ниту Jaiku нема да се развива. Сепак, не станува збор за потполно исклучување, Google најверојатно ќе му го понуди на Jaiku како опција за изработка на сопствен, персонализиран микроблог сервис.