Talamasca на Скопски саем

Talamasca е psytrance проект на Cedric Dassulle, познат и како DJ Lestat. DJ кариерата ја започнува во 1992, за подоцна во 1996 да го започне проектот Talamasca, каде што неговото 13 годишно искуство во свирење пиано доаѓа до израз. Со квалитетните и енергични настапи ги прошетал скоро сите светски подиуми, а има соработувано со огромен број артисти, меѓу кои и Nomad (со кој го имаа оформено label-от 3D Vision), Oforia, Space Cat, Xerox, Skazi, Eksimo и многу други.

Ги издава албумите "Beyond the Mask" (2000), "Musica Divinorum" (2001), "Zodiac" (2003), "Made in Trance" (2004) кој е првото издание за неговиот label "Mind Control Records" кој го оформува истата година, како и "Obsessive Dream" (2007) кој се уште може бесплатно да се преземе во MP3 формат преку линкот www.mindcontrolrecords.com.

Настапот во Скопје во живо ќе ни го претстави најновиот материјал од неговиот се уште неиздаден албум, како и од албумот кој е резултат на соработката помеѓу Talamasca и XSI, уште еден исклучително квалитетен француски psytrance бенд.